பொங்கல் விடுமுறையில் சென்னையில் இருப்பதால் ஒரு நாள் புத்தகக் கண்காட்சிக்குப் போகலாம் என எண்ணம் இருக்கிறது.என்று செல்வது என இன்னும் முடிவு செய்யவில்லை. தங்கமணிக்கு இதிலெல்லாம் அதிக ஈடுபாடு கிடையாது.எனவே முதலில் தங்கமணிக்கு ஒரு சென்னை காணும் பொங்கல் நடத்தி விட்டுப் பின்புதான் புத்தகக் கண்காட்சியெல்லாம்.
என்ன புத்தகங்கள் வாங்கலாம் எனத் திட்டமிடுதல் எதுவும் இல்லை .போக வேண்டியது பார்க்க வேண்டியது பிடித்தால் அதை வாங்க வேண்டியது!
இந்தமுறை அங்கு ஃபுட் கோர்ட்டெல்லாம் இருக்கிறதாமே!ஏன் மோகன் குமார் அவர்கள் அதைப் பற்றி எதுவும் எழுதவில்லை?!ஆமாம் கோர்ட்டுன்னா நீதி மன்றம்!அது என்ன ஃபுட் கோர்ட்?!ஹி,ஹி!ஓ!இது டென்னிஸ் கோர்ட் மாதிரியா?!
நிறையப் பதிவர்கள் வருவார்களாம்.ஆனால் எப்படித் தெரிந்து கொள்வது?அவங்க பதிவில் இருக்கும் ஃபோட்டோவை வைத்துத் தெரிந்து கொள்ளலாம் என்றால் பலர் பழைய புகைப் படத்தையே பதிவில் போட்டிருக்கிறார்கள்-(எப்பவும் இளமையாகத் தோன்ற வேண்டும் என்ற ஆசை!).
ஆனால் விடுமுறை நாட்களில் கூட்டம் கட்டுக் கடங்காமல் இருக்குமாம்!அந்தக் கூட்டதில் நீந்தி,புத்தகம் வாங்கி,பதிவர்களை அடையாளம் கண்டு,அறிமுகம் செய்து கொண்டு (சொன்னாத் தெரியப்போகுதாக்கும்!), ஃபுட் கோர்ட்டில போய்ச் சாப்பிட்டு.....இதெல்லாம் நடக்கிற காரியமா?!
பார்க்கலாம்!
