Thursday, May 23, 2013

கண்ணாடியில் தெரிவதெல்லாம் நானா?!



ஒரு கண்ணாடியில் என் பிம்பம் கண்டேன்

இத்தனை நாளாய் பார்த்துப் பழகிய உருவம்!

இதோ இன்னொரு கண்ணாடி

என்ன இது ,யார் இது

 உடல் பருத்து,தலை சிறுத்து...

மற்றோர் கண்ணாடி

ஓ!நெட்டையாய்,குச்சி போல்!

கண்ணாடிகள் என் உருவத்தை
உன்மையாய் மாற்றுமா!

ஒரு கண்ணாடியில் அழகாய்த்  தோன்ற
அதற்கெனப் பெருமிதம் கொள்வதா?

மற்றொன்று என்னை அழகின்றிக்காட்ட
அதற்காக அழுது புலம்புவதா?

வழமையாய்ப் பார்க்கும் ஆடியிலும்
கீறல் விழுந்தால் பிம்பம் சிதையுமே!

பிம்பங்கள் நானல்ல!

சிலர் புகழ்வதால்,பெருமைப்படவா

சிலர் இகழ்வதால் குன்றிப் போகவா!

இவை எதுவுமே நானில்லை!

என்னை நான் அறிய

என்னை நான் பார்க்க

மனமென்னும் கண்ணாடி

அழுக்கற்று,பழுதற்று இருக்க வேண்டும்!

அழுக்காறு, அவா, வெகுளி,இன்னாச் சொல்

இவையின்றி நிர்மலமாய் இருத்தல் வேண்டும்

அனைத்து உயிர்களிடத்தும்

அன்பு வேண்டும்,நிறைந்த அறம் வேண்டும்

என் உருவம் நான் நானாகத் தெரியும்!

Wednesday, May 22, 2013

நம்பள்கி சொல்றான் நிம்பள்கி கேக்குறான்!



கல் மேட்ச் சென்னை ஜெயிச்சிருச்சி.

நம்பள்கி நெனச்சான் மும்பாய் ஜெயிக்கும்னு.

மகர் யார் ஜெயிச்சா நம்பள்கி என்ன?

நம்ம பொளப்புதான் முக்கியம்.

சென்னையிலே மேட்ச் நடந்தாலாவது டிக்கட் வாங்கக் காசுக்காக நம்ம கிட்ட ஏதாவது அடகு வப்பாங்க!

அது இல்லாமப் போச்சுப்பா!

நான் இந்த மேட்செல்லாம் பாக்கறதில்ல.

ஆனா பஞ்சாப் ஆடற மேட்ச் மட்டும் கண்டிப்பா பாத்துருவேன்

நம்பள்கி பஞ்சாப் ஊர் இல்லீங்கோ.

பின்னே ஏன் பாக்குறேன்னு நிம்பள் கேக்குதா?

அந்த டீம் ஓனர் அங்க உங்காத்துக்கிட்டு அளகா சிரிச்சு,கையாட்டி,குதிக்கிறது நம்பள்கி ரொம்பப் பிடிக்கும்!

அவங்க நடிக்கறதே இல்லேன்னு நெனெச்சேன் .

லேகின் இன்னிக்குப் பேப்பர்ல ஒரு விளம்பரத்திலெ சிரிச்சுக்கிட்டே நிக்கிறாங்கோ!

’இஷ்க் இன் பாரிஸ்’ னு ஒரு படம் ரிலீஸ் ஆகப் போகுதாம்.

அவங்க சொந்தப்படம்தான் !வேறே என்ன?

கிரிக்கெட்லே சூதாட்டம்னு சொல்றாங்க!

பாலிவுட்ல கனெக்சன் இருக்குதுன்னெல்லாம் சொல்றாங்க.

நம்பல்கி சொல்றான் ஜிந்தகியே ஒரு சூதாட்டம் மாதிரிதான்!

ஊர் மேல போன ஒரு லட்கா நேத்து திரும்பி வந்தான்.

அவனுக்கு ஊர் போபால் பக்கம்.

அவங்க ஊர்ல அரசாங்கம் நடத்துற கூட்டு  ஷாதில கலந்துக்கணுனா,வீட்டுல டாய்லெட் இருக்கணுமாம்.

கல்யாணம் கட்டற லட்கா,அந்த டாய்லெட்ல நின்னு ஃபோட்டொ பிடிச்சு அனுப்ப ணுமாம்!

தமாஷா இருக்குதா?!

ஏன்னா அந்த ஊர்லே டாய்லட் அதிகமில்லயாம்!

அங்க போய் ஒரு டாய்லட் கட்டி அதை ஃபோட்ட எடுக்க வாடகைக்கு விட்டா 
நல்லாருக்காது?!

எங்கன்னாலும் நம்பள்கி பொளப்புக்கு ஏதும் வளி இருந்தாச் சரி!

........................

“வாங்கோய்யா!என்னா வோணும்?”...................

Tuesday, May 21, 2013

பன்றியாக வாழ்வதும் சுகம்தான்!