நின்னைச் சரணடைந்தேன்

என் நாளை பொலியச் செய்ய

       

     ஒரு அழகிய புன்னகை போதும்

என் வலிகளை மறக்கச் செய்ய

       

     ஒரு மென்மையான தொடுகை போதும்

என் பயங்களை ஓடச் செய்ய

      

     ஒரு உடல் சேரும் அணைப்பு போதும்

     (வளியிடை போகப்படாஅ முயக்கு)

என் கவலைகள் தீர்வதற்கு

      

     ஒரு ஆறுதல் வார்த்தை போதும்

எவர் தருவார் இவையெல்லாம்

        

     என் அன்பே உன்னை அன்றி!

டிஸ்கி:என்னடா ரொம்பநாளாக்காணாமப் போனவன் திரும்பி வந்திருக்கானே என திகைக்கிறீர்களா?

மதுரையில பதிவர் சந்திப்பு வருதாமில்ல!நாமளும் ஒரு பதிவர்தான்னு நெனவு படுத்தத்தேன்! 

தொடர்ந்து கொஞ்ச நாளைக்கு எழுதிக் ’கொண்டே ’போடலாம்னு இருக்கேன்!

    

       

காதல் அனுபவம்!

காதலில் விழுவதென்பது,அண்ணாசாலை எல்.ஐ.சி.கட்டிடத்திருந்து குதிப்பதைப் போன்றது!

மூளை சொல்கிறது,இது ஆபத்தானது என்று.

இதயம் சொல்கிறது,உன்னால் பறக்க முடியும் என்று!

...........................................

காதல் என்பது எல்லோரும் பேசும் மொழி;ஆனால் அதை இதயத்தால் மட்டுமே புரிந்து கொள்ள முடியும்!

.....................................................................

தயக்கத்தில் தொடங்கி,வருத்தத்தில் முடிந்தாலும் இடைப்பட்ட காலம் எவ்வளவு இனிமை யானது?!

.......................................

காதல் ஒரு வலி என்று சொல்வர் பலர்

ஆனால் தனிமை ஒரு வலி

புறக்கணிப்பு ஒரு வலி

இழப்பு ஒரு வலி

ஆனால் இவ்வலிகளுக்கெல்லாம் மருந்து காதலன்றோ?!

.........................................................

வயது என்பது காதலிலிருந்து காப்பதில்லை;ஆனால் காதல் என்பது சிறிதாவது வயதாவ திலிருந்து காக்கத்தான் செய்கிறது!

.............................................................

காதல் என்பது எப்போதும் சிறிது பைத்தியக்காரத்தனம் கலந்தே இருக்கிறது.ஆனால் அந்தப் பைத்தியக்காரத்தனத்திலும் ஒரு தெளிவு  கலந்திருக்கிறது !

.....................................................

கண்களால் காண முடியாத எதையோ இதயம் கண்டு விடுகிறது; உண்மைக் காதல் பிறக்கிறது!

.......................................................

ஆழ்ந்து காதலிக்கப்படுவது, சக்தியைக் கொடுக்கிறது;ஆழ்ந்து காதலிப்பது,துணிச்சலைக் கொடுக்கிறது.

........................................................

ஆதலினால் காதல் செய்வீர் ஜகத்தீரே!

 

தேடிப் பிடிக்கும் என் ஆன்மா!

எனக்குத் திசைகாட்டி தேவையில்லை

      நீ இருக்கும் இடம் தெரிய.

உனது இதயத்தின் துடிப்பொலியே

    என்னை வழி நடத்தும்

இருட்டில் ஒளிந்திருக்கும் உன்னைத்தேட

     எனக்கு வெளிச்சம் தேவையில்லை

உன் முத்துப்பல் ஒளியே போதும்

     உன்னை நான் தேடிப்பிடிக்க!

காற்றின் உதவி தேவையில்லை

     உன்னை கண்டு பிடிக்க

உன் தேன் குரல் ஒலி கிசுகிசுப்பாய்

      என் காதோடு வழிகாட்டும்

நட்சத்திரங்கள் தேவையில்லை

   என்னைக் கூட்டிச் செல்ல

இருளிலும் ஒளிரும் உன் கண்கள்

     என்னை இழுத்துச் செல்லும்!

ஆனால் என் அன்பே!

வழிதவறி என்றேனும் போக நேர்ந்தால்

      நிச்சயம் நான் உயிர் நீப்பேன்.

அப்போது என் ஆன்மா உன்னை

      அடைந்தே தீரும்!

டிஸ்கி:பதிவர் திருவிழா பற்றி நிறைய எழுதியாகி விட்டது.எனவே லைட்டா ஒரு காதல் கவிதை!

நான் என்றும் உன்னுடையவன் என்னுயிரே!

உனக்கு நான் வாக்களிக்கிறேன் அன்பே

உடல் நலமில்லாத நேரத்தில் உன் மருத்துவனாக

மழையில் செல்கையில் உனக்குக் குடையாக

களைப்படையும்போது அமரும் இருக்கையாக

நீ தலை சாய்த்துஉறங்க ஒரு தலையணையாக

உன் பாதுகாப்புக்கு ஒரு கவசமாக

மற்றவர் உனக்குச் செவி சாய்க்க உன் குரலாக

உன் வலிகளில் ஒரு மருந்தாக

உன் இருளில் ஒரு ஒளிரும் தீபமாக

கேள்விகள் எழும்போது பதிலாக

தடைகளைத் தகர்க்க ஊக்கமாக

அச்சப்படும்போது ஆறுதல் கரமாக

தினம் காலை உன்னை எழுப்பும் முத்தமாக

உறங்குமுன் கிசு கிசுக்கும்”நீயே என் உயிர்” ஆக

என்றும் இருப்பேன் நான்!

அன்பே!நான் முழுமையாய் உன்னுடையவன்!


........................................................................