பெண்களைப் பற்றி உங்களுக்கு என்ன தெரியும்?!

அழகில்லாத பெண் என்று யாரும் இல்லை!

 .....................

ஒரு ஆண் மகப்பேறு மருத்துவர் என்பவர்,காரே சொந்தமாக வைத்திருக்காத கார் மெகானிக் போன்றவர்!

 ........................

ஒரு ஆண் பிரசங்கத்தில் சொல்வதை விட ஒரு பெண் பெருமூச்சிலேயே அதிகம் சொல்லி விடுகிறாள்.

 ......................

எந்த விவாதத்திலும்  பெண் சொல்வதே கடைசி வார்த்தை;அதற்குப்பின் ஆண் சொல்வதெல்லாம் ஒரு புது விவாதத்தின் தொடக்கமே!

 .....................

பெண்கள் அதிகம் பேசாத ஆண்களை விரும்புகிறார்கள்;இவர்கள் பேசுவ தெல்லாம் அவர்கள் கேட்பார்கள் என்று நம்பி!

 ......................

கடவுள் முதலில் ஆணைத்தான் உருவாக்கினான்,பின்னரே பெண்ணை.ஒரு ஒப்பற்ற பொருளை உருவாக்க ஒரு ஒழுங்கில்லாத மாதிரி செய்து பார்ப்பது போல்!

 ......................

ஒரு சராசரிப்பெண் அறிவை விட அழகையே அதிகம் விரும்புகிறாள்;ஏனெனில் ஒரு சராசரி ஆண் சிந்திப்பதை விடப் பார்ப்பதில் அதிக கவனம் செலுத்து கிறான்.

 .............. ......

ஒரு ஆணின் முகம் சுயசரிதை;ஒரு பெண்ணின் முகம் புதினம்.

 .....................

பெண் என்பவள் இல்லையெனில்  உலகில் பணம் என்பதே பொருளற்றுப் போகும்.

 ..................

பெண் தன் கண்ணீரை நகை போல் அணிந்து கொள்கிறாள்!

 ...................

ஒரு பெண் எப்போது மிக மகிழ்கிறாள்?தன்னை விட குண்டாக இருக்கும்  ஒரு பெண்ணைப் பார்க்கும்போது!

...................

சென்ஸார் தங்கமணி!!

இன்று காலை முகச் சவரம் செய்து கொண்டிருந்தேன்.

“என்னங்க....”தங்கமணியின் கூப்பாடு!

திடுக்கிட்டதில் கை நடுங்கி ரேசர் ,தாடியோடு சிறிது குருதியையும் சேர்த்து எடுத்து விட்டது.

”என்ன ஆச்சு?ஏன் இப்படி அலறுகிறாய்?”

”நான் அன்னைக்கே சொன்னேனே!இந்த வலைப்பூவெல்லாம் வேண்டாம்னு. இன்னைக்குப் பாருங்க.முகநூலில் எழுதிய கருத்துக்காக இரண்டு இளம் பெண்கள் கைது செய்யப்பட் டிருக்காங்க”.

”செல்லம்!அப்படியெல்லாம்  சர்ச்சைக்குரிய எதையும் நான் எழுத மாட்டேன்; உனக்குத் தெரியாதா?உன்னோட  அங்கீகாரம் இல்லாம எதுவும் வலையேற்ற  மாட்டேன்.டிராஃப்ட் எழுதி சேமித்து உன்னிடம் காட்டி விடுகிறேன். வேணுமின்னா ஒரு நாலைந்து எழுதிச் சேமித்து நீ படித்த பின் ஒவ்வொன்றாக வெளியிடுகிறேன்.உனக்கு ஒரு விஷயம் தெரியுமா ?”

”ஒரு பிரபல பதிவர் கிட்டத்தட்ட 60 பதிவுகள் டிராஃப்ட் ஆகச் சேமித்து வைத்திருக்கிறாராம்! பிரமிப்பா இல்ல!”

“இதோ பார்!இன்னைக்குப்பதிவு!பிரச்சினையே இல்லாத பதிவு!இப்படியே எழுத வேண்டிய துதான்!

படிக்கிறாள்.கண்களைத் துடைத்துக் கொள்கிறாள்.

”உம்,சரிதான் .வெளியிடுங்க!எனக்கும் இது மாதிரிதான் நடக்கணும்னு ஆசை!”

அணைத்துக் கொண்டேன்!

இதோ பதிவு!

நாடகத்திலும் காவியத்திலும் படித்ததுண்டு.

அவற்றில் எழுதப்பட்டது வெறும் கற்பனையல்ல;நிஜ வாழ்க்கையின் பிரதி பலிப்புதான் என்பது இன்று புரிகிறது.

கணவன் இறந்தும் அதைப் பார்த்து,அந்த செய்தி கேட்டுத் தானும் உயிர் துறக்கும் மனைவி காவியத்தில் மட்டுமில்லை,இதோ இங்கிருக்கும் புன்னப்பாக்கத்திலும்தான். 

எழுபது ஆண்டுகளுக்கு முன் திருமணத்தில் இணைந்தவர்கள்இவர்கள்.வயது –கணவனுக்கு 91,மனைவிக்கு 82.தீபாவளிக்காக மகன் வீட்டுக்குச் சென்றனர். கால்நடைப் பராமரிப்புக்காகக் கணவன் ஊருக்குத் தி ரும்பி விட மனைவி அங்கு தங்கினாள்.ஞாயிறுகாலை கணவன் உயிர் பிரிந்தது.அந்தச் செய்தி மனைவிக்குத் தெரிவிக்கப்பட்டது.செய்தி கேட்டு அவள் சுருண்டு விழுந்தாள். மருத்துவ மனைக்குக் கொண்டு சென்றனர்.அவள் உயிர் பிரிந்து விட்டதாகத் தெரிந்தது!

ஒருவரை ஒருவர் சார்ந்திருக்கும் தம்பதியில் ஒருவரின் பிரிவு மற்றவருக்கு ஏற்படுத்தும் அதிர்ச்சியின் விளைவே இது!

”உடம்பொடு உயிரிடை என்னமற் றன்ன

மடந்தையொடு எம்மிடை நட்ப”ு

 

யானையும் ஒன்றுதான்,ஆட்டு மந்தையும் ஒன்றுதான்!

ஒரு குட்டிக்கதை.

ஒரு சாம்ராஜ்யம் இருந்தது. அங்கு பட்டத்து யானை மூலம் அரசனை தேர்ந்தெடுக்கும் முறை பின்பற்றப்பட்டது. அப்படி யானையினால் மாலை சூட்டப்பட்டு தேர்ந்தெடுக்கப்படுபவர் எல்லாவித ராஜ போகங்களுடன் ஆட்சி புரியலாம். ஆனால் அவரது பதவி காலம் ஐந்து ஆண்டுகள் மட்டும் என்றும் நிர்ணயிக்கப்பட்டு இருந்தது.

ஐந்து ஆண்டுகளுக்குப் பிறகு அவர் நாட்டை விட்டு வெளியேற்றப்பட்டு கடலுக்கு அப்பால் உள்ள தீவுப் பிரதேசத்துக்கு நாடு கடத்தி விடப்படுவார் .

அரசராக தேர்ந்தெடுக்கப்படுபவர் தனது ஆட்சி காலத்தில் மக்களுக்கு சேவை செய்வதையே  லட்சியமாகக் கொண்டு ஆட்சி புரிந்தனர். ஐந்தாண்டு கால நிறைவில் தீவில் விடப்பட்டு வறுமையில் வாடுவார்கள்.

மக்கள் அவர்களைப் பற்றிக் கவலைப்படவில்லை. பல ஆண்டுகளுக்குப் பிறகு ஒரு முறை ஐந்தாண்டு முடிவில் பதவி இழந்தவருக்கு மாற்றாக வேறு ஒருவரை யானை தேர்ந்து எடுத்தது.  அவர் ஆட்சியில் மக்கள் ஒன்றும் அவ்வளவு நன்றாக இல்லை. அனியாயமாக வரி போட்டு மக்களை வாட்டி வதைத்து விட்டார். எப்போது ஐந்து ஆண்டுகள் முடியும், இவர் ஆட்சி பீடத்தில் இருந்து இறக்கப்பட்டு தீவுப் பிரதேசத்துக்கு நாடு கடத்தப்படுவார் என்று எதிர்பார்த்துக் கொண்டு இருந்தார்கள்.

அவர்கள் எதிர்பார்த்த ஐந்தாண்டு காலம் முடிவுக்கு வந்தது. அந்த கொடுங்கோல் அரசனை  ஆட்சியில் இருந்து நீக்கி படகில் ஏற்றிக் கொண்டு தீவுப் பிரதேசத்துக்கு கொண்டு போனார்கள். இப்படி கொண்டு போகும் போதெல்லாம் பதவி இழந்த அரசர்கள்  வருந்திப் புலம்பிக் கொண்டே இருப்பார்கள்.

ஆனால் இந்த நபர் எந்த வருத்தமும் இல்லாமல் படகில் பயணம் செய்து கொண்டு இருந்தார். அவரை படகில் ஏற்றிக் கொண்டு போனவர்களுக்கு வியப்பாக இருந்தது. அவரைப் பார்த்துக் கேட்டார்கள் ' பதவி இழந்து தீவில் வறுமையில் வாழப் போகிறீர்கள். அதைப் பற்றி கொஞ்சம் கூடக் கவலையில்லாமல் மகிழ்ச்சியோடு இருக்கறீர்களே   எப்படி ?'  அதைக் கேட்ட அந்த முன்னாள் அரசன் ''என்னுடன் அந்த தீவுக்கு வந்து பாருங்கள்'' என்று சொன்னான்.

படகு தீவின் கரையை அடைந்தது. உடன் வந்தவர்கள் அந்த தீவைப் பார்த்து பிரமித்துப் போனார்கள். வறண்டு போய் இருந்த தீவு அங்கு இல்லை. மிகப் பெரிய அரண்மனை, மாட மாளிகைகள், கூட கோபுரங்கள், தோட்டங்கள், பூங்காக்கள் என்று அந்த தீவே செல்வச் செழிப்புடன் சொர்கலோகம் போலக் காட்சி அளித்தது. உடன் வந்தவர்கள் திகைத்துப் போனார்கள்.

அப்போதுதான் தெரிந்தது, அந்த முன்னாள் அரசர் தம் ஐந்தாண்டு கால ஆட்சியில் தன் வரும்கால சந்ததியினர் பலரும் பயன்பெறும் வகையில் அந்த தீவில் சொத்துக்களை சேர்த்து வைத்துக் கொண்டார் என்பது. அந்த காலத்தில் அரசனை யானை மாலை போட்டுத் தேர்ந்தெடுத்தது.

தேர்ந்தெடுக்கப்பட்டவர் எப்படிப்பட்டவர் என்று அதற்குத் தெரிய வாய்ப்பில்லை.

அதனால் அதிருஷ்டம் உள்ளவர்கள் எவர் வேண்டுமானாலும் ஆட்சிக்கு வர முடிந்தது. அவர் இஷ்டம் போல ஆட்சி புரிய முடிந்தது. ஐந்தாண்டுக் காலம் எந்த எதிர்ப்பும் இல்லாமல் ஆட்சி செய்ய முடிந்தது.

ஆனால் இப்போது ஜனநாயக முறைப்படி ஆட்சி நடக்கிறது.

மக்களால் மக்களுக்காக நடத்தப்படும் மக்களின் ஆட்சி!

  டிஸ்கி:யானை தேர்ந்தெடுத்தால் என்ன,ஆட்டு மந்தை தேர்ந்தெடுத்தாலென்ன?!
 
 ................................................................

(இது வாரியார்  ஸ்வாமிகள் சொன்ன கதை.இணைய உபயம்.)