கஸாலி இயக்கும் படம்!

”சாய்ந்தாடு  சாய்ந்தாடு” என்ற தமிழ்ப் படம்

ஷிபானி காஷ்யப் என்ற மும்பைக் குயிலை அறிமுகப்படுத்துகிறார் இயக்குநர்.

யார் இயக்குநர்?

.............கஸாலி!.......!

நம்ம ரஹீம் கஸாலியா?!:))

சொல்லவே இல்ல?!

(இது வேறு யாரோவாம்!)

....................................................................

கேரளாவில் ஒருவருக்கு லாட்டரியில் ஒரு கோடிப் பணம் விழுந்ததாம்.

ஆனால் அப்பணத்தை வாங்கி அனுபவிக்காமல் அவர் ஒரு விபத்தில் நீரில் மூழ்கி இறந்து விட்டார்.

பாவம்.

கைக்கு எட்டியது வாய்க்கு எட்டவில்லை என்ற கதைதான்!

எனக்கு ஒரு சந்தேகம்...

அந்தச் சீட்டை அவரது வாரிசுகள் கொடுத்துப் பரிசுத்தொகையைப் பெற முடியுமா?

யாராவது சொல்லுங்கய்யா!

இல்லாட்டி என் மண்டையே வெடிச்சிடும்!

..............................................................

சமீபத்தில் படித்த இரு செய்திகள்.

இந்திய கப்பற்படையில் அதிகாரிகள் தங்கள் மனைவிகளைப் பறிமாற்றம் செய்து கொள்வார் களாம்!

இது ஒரு அதிகாரியின் மனைவியே வெளியிட்ட தகவல்.

அடுத்த செய்தி...

இதுவும் ஒரு பரிமாற்றம்தான் !

இரு ஆண்கள் மாற்றுச் சிறுநீரக அறுவைச் சிகிச்சைக்காக மருத்துவ மனையில் அனுமதிக் கப்பட்டனர்.

அவரவர் மனைவியே தன் கணவனுக்குச் சிறுநீரகம் தரத் தயாராக இருந்தனர்.

ஆனால்,அவர்களின் ரத்தப்பிரிவு,மற்றும் திசுக்கள் கணவருக்குப் பொருந்தவில்லை.

என்ன செய்வது?

மருத்தவர்கள் கண்ட ஒரு அதிசய ஒற்றுமை.....ஒரு மனைவியின் ரத்தம்,திசுக்கள் அடுத்த கணவருக்குப் பொருத்தமாக இருந்தன,இரண்டு  தம்பதிக்கும்!

நிலைமையை எடுத்துக் கூறியதும் இரு மனைவியரும் ஒத்துக் கொண்டனர் தங்கள் சிறுநீரகத்தை மற்றவள் கணவனுக்குத் தருவதற்கு !

முதல்  பரிமாற்றம்  வெட்கக் கேடு!

இரண்டாம் பரிமாற்றம்  வாழ்த்துப் பாடு!

..............................................
மாற்றுச் சிறுநீரகம் பற்றிப் பேசும்போது சுஜாதாவின் ”காகிதச் சங்கிலிகள்  ” பற்றி நினைக்காமல் இருக்க முடியவில்லை.இக்கதை ”பொய்ம்முகங்கள்” என்ற பெயரில் திரைப்படமாக வந்தபோது முடிவை மாற்றிக் கதையின் அழுத்தத்தை இல்லாமல் செய்து விட்டார்கள்.

உண்மைதான்.உறவுகள் காகிதச் சங்கிலிகள்தான்.

ஆனால் தங்க நிறச் சரிகைக் காகிதத்தில் செய்த சங்கிலிகள்!

................................................

சண்டேன்னா ஒண்ணு!

இரு கழுதைகள் பேசிக்கொண்டன....

முதல் கழுதை:என் எஜமானர் ரொம்பக் கோபக்காரர்.என்ன ரொம்ப அடிக்கிறார்.

இரண்டாவது:பின்ன ஏன் அங்கயே இருக்கே?தப்பி ஓட வேண்டியதுதானே?

முதல்:இல்லப்பா.ஒரு முக்கியமான விஷயம் இருக்கு.எஜமானருக்கு ஒரு அழகான பெண் இருக்கா.கோபத்தில அவளைத் திட்டும்போதெல்லாம்”உன்னை ஒரு கழுதைக்குத்தான் கல்யாணம் கட்டி வைக்கப் போறேன்னு சொல்றாரு.அதுக்காகத்தான் அங்கயே இருக்கேன்!”

 நீதி:நெனப்புத்தான் பொழப்பைக் கெடுக்குதாம்!!

வரவேண்டுமோடி!

பெண்ணே!

நள்ளிரவில் பயமின்றி

நகை பல உடலில் பூட்டி

நங்கை ஒருத்தி சென்றால்

நன்னாளாம் சுதந்திரம் அன்றே

என்றுரைத்தார் அண்ணல் காந்தி!

அந்நாள்

என்றுதான் வரு மோடி?!

கண்ணா!

பூவலகில்

நன்மை குறைந்து

தீமை ஓங்கினால்

நல்லவரைக் காத்து

தீயவரை அழித்து

அறத்தை நிலை நாட்ட

அவசியம் வருவேனென்றாய்!

இன்று நீ கண்டிப்பாய்

வர வேண்டு மோடி!  (வேண்டும்+ஓடி)

அம்மா பராசக்தி!

அன்புடன் அருள் புரிவாய்

சூலத்தைக் கையிலேந்தி

சூழ்ந்து வரும் இருள் நீக்கி

ஒளி வெள்ளம் உலகில் பாய

வந்திட வேண்டு மோடி!

உலகிலேயே அழகான பெண்!

ஓர் அழகான கிராமம்;பச்சைக்கம்பளம் போர்த்தியது போல் வயல்கள்;பழங்கள் கனிந்து குலுங்கும் சோலைகள்.சல சல என ஓடும் தெளிவான நீர் நிரம்பிய ஆறு;ஒரு பூலோக சொர்க்கம்தான்.

அவ்வூரில் ஒரு திருவிழா .ஒவ்வோர் ஆண்டும் மிகச் சிறப்பாக நடைபெறும் விழா.கடைகள், விளையாட்டுகள்,பாட்டு,நடனம் என  ஊர் கோலாகலமாக இருக்கும்.பக்கத்து ஊர்களிலிருந் தெல்லாம் மக்கள் வந்து சேர,கூட்டம் ஜே ஜே என்று இருக்கும்.

ஒரு முறை விழாக் காண அண்டை ஊரிலிருந்து ஒரு சிறுவனும் அவன் தாயும் வந்தனர்.

அச்சிறுவனுக்கு எல்லாமே அதிசயமாக இருந்தது.அவன் தாய் அவனுக்கு நிறையத் தின் பண்டங்கள்  வாங்கித் தந்தாள்.தன் தாயின் கையைப் பிடித்துக்கொண்டே அக்கூட்டத்தில் அவன் சுற்றி வந்தான்.களைப்படந்த தாய் ஓரிடத்தில் சாய்ந்து அமர்ந்து கண்மூடச் சிறுவனும் அவளுடன் அமர்ந்தான்.

அப்போது ஒரு வண்ணமயமான பட்டாம்பூச்சி அங்கு பறந்து வரவே அதைப்பிடிக்கும் ஆவலில் அச்சிறுவன் அதைத்துரத்த ஆரம்பித்தான்.துரத்திக் கொண்டே வெகு தூரம் சென்ற பின் தாயைப் பிரிந்து வந்து விட்டதை உணர்ந்தான்.திரும்பிச் செல்லும் வழி அவனுக்குத் தெரியவில்லை.அழ ஆரம்பித்தான்.

அவ்வழியே வந்த ஒருவன் அவனை ஏன் அழுகிறாய் எனக்கேட்க சிறுவன் தாயைப் பிரிந்த வந்து விட்டதைச் சொன்னான்,அந்த மனிதன் கேட்டான்”உன் தாயிடம் நான் சேர்ப்பிக் கிறேன்.  உன் தாய் எப்படி இருப்பார்கள்?”

சிறுவன் சொன்னான்”மிக அழகாக இருப்பார்கள்”

மனிதன் சிறுவனை அழைத்துக் கொண்டு நடக்க ஆரம்பித்தான்.

எதிரில் ஓர் அழகான பெண் வருவதைப் பார்த்து அம்மனிதன் கேட்டான்”இவள்தான் உன் தாயா?”

சிறுவன் சொன்னான்”இல்லை .என் தாய் அழகாக இருப்பார்கள்”

அம்மனிதன் வியப்படைந்தான் ,அவ்வளவு அழகான பெண்ணா என்று.

சிறிது நேரம் தேடி அலைந்த பின் எதிரில் கவலை தோய்ந்த முகத்துடன் வந்து கொண்டிருந்த ஒரு பெண்ணைக் கண்டதும் சிறுவன் ஓடிச் சென்று அம்மா என்று கட்டிக்கொண்டான்.

அம்மனிதன் பார்த்தான்.

அந்தப் பெண் அழகாயில்லை.மாறுகண்.தூக்கிய பல் வரிசை என்று அழகற்றவளாயிருந்தாள்.

அம்மனிதன் கேட்டான்”இவளையா அழகானவள் என்று சொன்னாய்?”

சிறுவன் அழுத்தமாகச் சொன்னான்”ஆமாம்.என் அம்மாதான் எனக்கு உலகிலேயே அழகானவள்”

(டாக்டர்.ஹிதேந்திரநாத் சட்டோபாத்தியாயா அவர்களின் சிறுகதையின் அடிப்படையில் எழுந்தது)

தமிழ் மணம் ரேங்கில் முதல் இருபதுக்குள் வருவதெப்படி?!

தமிழ் மணம் வாராந்திர,மூன்று மாத ரேங்க் எப்படித் தீர்மானிக்கப்படுகிறது?

”ஒவ்வொரு பதிவும் பெறும் பார்வைகளை (ஹிட்ஸ்) முதன்மையாகக் கொண்டு வெளியிடப் படுகிறது. மறுமொழிகள், வாசகர் பரிந்துரை வாக்குகள் போன்றவையும் ஒரு காரணியாக இருக்கும்”-இது தமிழ்மணம் சொல்வது.

எனவே இதை அடிப்படையாகக் கொண்டு எப்படி  முதல் சில ரேங்கில் வருவது எனப் பார்க்கலாம்!

1)எண்ணிக்கை:-இது மிக முக்கியம்!தினம் ஒரு பதிவாவது கட்டாயம் எழுத வேண்டும். ஒன்றுக்குக்கு மேல் எழுத முடிந்தால் இன்னும் சிறப்பு.பதிவு பெரிதாக இருக்க வேண்டிய அவசியம் இல்லை.சிறிய பதிவாயினும் கணக்கில் ஒன்றாகி விடுகிறது அல்லவா?வாரம் ஒன்று, மாதம் மூன்று என்றெல்லாம் எழுதுபவர்கள் ரேங்கை மறந்து விடுங்கள்.நான் ஆத்ம திருப்திக்காகத்தான் எழுதுகிறேன்,வேறெதைப் பற்றியும் கவலை இல்லை எனச் சொல்லும் இலட்சியவாதிகள்,உடனே இந்தப் பதிவைப் படிப்பதை நிறுத்தி விட்டு வேறு இலட்சிய பூர்வமான செயல்களைத் தொடங்கப் போகலாம்! 

வாராந்திர ரேங்கில் 20க்குள் வர வேண்டும் என்றால் ,கட்டாயம் தினம் ஒரு பதிவோ அதற்கு மேலுமோ எழுதி விடுங்கள்!

தினமும் எழுத நேரம் இல்லையா?நேரம் கிடைக்கும் போதெல்லாம் பதிவுகள் எழுதிச் சேமித்து வையுங்கள்.ஒவ்வொன்றாக வெளியிடலாம்!

2)உள்ளடக்கம்:-எதுவும் எழுதலாம்!வானமே எல்லை.கதை,கவிதை(!).நகைச்சுவைத் துணுக்கு,  அரசியல்,சினிமா செய்திகள் என்று! எனக்குக் கவிதை எழுதத் தெரியாதே என்று சொல்லாதீர்கள். தெரிந்தா நான் எழுதுகிறேன்?!வாக்கியத்தை மடக்கிப் போட்டால் கவிதைதான்!ஆகா,ஓகோதான்!

ஆன்மீகம் அறிவியல் என்றெல்லாம் ஆரம்பித்தீர்கள் என்றால் ரேங்கை மறந்து விடலாம். (அதற்கும் வழி இருக்கிறது;பின்னால் சொல்கிறேன்!).யோசித்து எழுதுவதற்கு நேரம் கிடைப்பதில்லையே எனக் காரணம் சொல்லாதீர்கள்!உங்களை யாரையா யோசிக்கச் சொன்னது?பத்திரிகையைப் புரட்டினால் செய்திகள் ஆயிரம்.இன்றைய சூடான நிகழ்வு என்ன என்று பாருங்கள்.நடிகை அஞ்சலி,பவர் ஸ்டார்,ஐபிஎல் என்று எத்தனையோ!அரசியலும் சினிமாவும் என்றும் உங்களுக்குக் கை கொடுக்கும்.

செய்திகளை வெளியிடும்போது அப்படியே பத்திரிகையிலிருந்துcp செய்யாதீர்கள்.உங்கள் பாணியில் கொஞ்சம் மசாலா தூவி எழுதுங்கள்.

ஆயிரம் ஹிட்டுக்குக் குறையாது!

3)தலைப்பு:- இது மிக மிக முக்கியம்.சுண்டி இழுக்கும்படி இருக்க வேண்டும் தலைப்பு.ஆனால் சொல்லப்பட்ட செய்திக்குத் தொடர்புடையதாக இருத்தல் அவசியம் .சம்பந்தமேயில்லாத தலைப்பு எரிச்சலைத்தான் வரவழைக்கும்.

ஆன்மீகம் அறிவியல் பற்றி எழுதினாலும் தலைப்பு கொஞ்சம் கவனமாக வைத்தால் ஹிட்ஸ் நிச்சயம்!

(உ-ம்) சிவபெருமான் பற்றி எழுதுகிறீர்களா?தலைப்பு “உலகநாயகனின் பெருமை” என்று இருக்கலாம்!

4)பின்னூட்டம்,வாக்கு:-வருகை தருபவர்கள் அனைவரும் கருத்துச் சொல்வார்கள் என்றோ வாக்களிப்பார்கள் என்றோ எதிர்பார்க்க முடியாது;அவ்வாறு நடக்கவும் நடக்காது.ஆனால் அவைகளும் காரணியாக இருப்பதால் அதற்கும் ஏதாவது வழி செய்ய வேண்டும்,ஒரே வழி தினம் குறைந்தது 50 பதிவுகளுக்காவது சென்று பின்னூட்டம் இடுங்கள் ,ஓட்டுப் போடுங்கள். நீங்கள் ஓட்டுப் போட்டு விட்டீர்கள் என்பதையும் உணர்த்துங்கள்-(த.ம.11)

அவ்வப்போது உங்கள் புதிய பதிவின் சுட்டியும் கொடுங்கள். 

இதைச் சிறிது சிறிதாக அதிகப்படுத்துங்கள்.உங்களுக்கு வரும் ஓட்டுக்களும் பின்னூட் டங்களும்  அதிகமாகும்.பின் என்ன!-மகுடம்தான்!

வருகை அதிகப்படுத்த இன்னொரு வழி,ஓய்வு பெற்று வீட்டில் இருப்பவர் களுக்கு   (உ-ம்-புலவர் ஐயா,செ.பி. ஐயா,ரமணி ஐயா) ஒத்து வராத வழி,உடன் பணி செய்பவர்களைக் கண்டிப்பாக தினம் 10 தடைவையாவது உங்கள் பதிவுக்கு வந்து போகும்படி கேட்டுக் கொள்ளல்!

இவை சில முக்கியமான வழிகள் .இன்னும் சின்னச்சின்ன வழிகள் சில இருக்கின்றன.அவை பற்றிப் பின்னர் பார்க்கலாம்.

இப்போது இந்த வழிமுறைகளைக் கடைப்பிடித்து ரேங்கில் முன்னேறுங்கள்!

இதெல்லாம் செய்தும் பயனில்லையா?

அதற்காக எழுதுவதை விட்டு விடாதீர்கள்!

வேறு பெயரில் புதிய பதிவு ஒன்று தொடங்குங்கள்!!