பைத்தியம் தெளிவதில்லை!

மேகம் கலைந்த பின்னும்

வானம் வெளுத்த பின்னும்

தேகம் களைத்த பின்னும்

தூவானம் விடுவதில்லை.!

காலம் கடந்த பின்னும்

நேரம் முடிந்த பின்னும்

கோலம் கலைந்தபின்னும்

காத்திருப்பு ஓய்வதில்லை!

வெகு தூரம் நடந்த பின்னும்

வெந்து தணிந்த பின்னும்

மிகு தூரம் தெரிந்த பின்னும்

பயணம் முடிவதில்லை!

தூவானம் விட்ட பின்னும்

காத்திருப்பு ஓய்ந்த பின்னும்

பயணம் முடிந்த பின்னும்

பைத்தியம் தெளிவதில்லை!!

(ஒவ்வொரு பத்தி முடிவிலும் உள்ள வாக்கியம் கடைசிப் பத்தியில் இடம் பெற்று முழுமை பெறுகிறது! )