கோணலா இருந்தாலும் என்னோடது!

உடல் கோணல் இறைவன் தவறு

உள்ளம் கோணல் நம் தவறன்றோ?

உடல் கோணலை மறைக்க முடிவதில்லை

உள்ளக் கோணலோ ஒளிந்து செயல் படும்

பார்த்தால் சிலர் வெறுப்பர் உடல் கோணலை

பழகினால் அனைவர் வெறுப்பர் உள்ளக் கோணலை

நல்லவனாய் இருப்பின்

கோணல் உடலோனும் கொண்டாடப்படுவான்

அல்லவனாயின்

அழகுடலோனும் தூற்றப்படுவான் .

உடல் மட்டும் கோணலெனில்

சொல்வதில் தவறில்லை........

“கோணலாயினும் இது என்னுடையது” என்று!

உள்ளம் கோணலாயின்

உரைக்க முடியுமா அது போல்?!

வெட்கப்பட வேண்டாம் உடல் கோணலுக்கு

 

கட்டாயம் தலை குனியத்தான் வேண்டும்

உள்ளக் கோணலுக்கு!

( டிஸ்கி:ஒரு விளம்பரத்தைப் பார்க்கும்போது பிறந்த சிந்தனை!)