தேடிப் பிடிக்கும் என் ஆன்மா!

எனக்குத் திசைகாட்டி தேவையில்லை

      நீ இருக்கும் இடம் தெரிய.

உனது இதயத்தின் துடிப்பொலியே

    என்னை வழி நடத்தும்

இருட்டில் ஒளிந்திருக்கும் உன்னைத்தேட

     எனக்கு வெளிச்சம் தேவையில்லை

உன் முத்துப்பல் ஒளியே போதும்

     உன்னை நான் தேடிப்பிடிக்க!

காற்றின் உதவி தேவையில்லை

     உன்னை கண்டு பிடிக்க

உன் தேன் குரல் ஒலி கிசுகிசுப்பாய்

      என் காதோடு வழிகாட்டும்

நட்சத்திரங்கள் தேவையில்லை

   என்னைக் கூட்டிச் செல்ல

இருளிலும் ஒளிரும் உன் கண்கள்

     என்னை இழுத்துச் செல்லும்!

ஆனால் என் அன்பே!

வழிதவறி என்றேனும் போக நேர்ந்தால்

      நிச்சயம் நான் உயிர் நீப்பேன்.

அப்போது என் ஆன்மா உன்னை

      அடைந்தே தீரும்!

டிஸ்கி:பதிவர் திருவிழா பற்றி நிறைய எழுதியாகி விட்டது.எனவே லைட்டா ஒரு காதல் கவிதை!