engliஷ் vingliஷ்!-ஒரு பார்வை

அது என்ன engliஷ்,vingliஷ்?!

நாம் தமிழில் பேசும்போது சில நேரங்களில் பாட்டு-கீட்டு,பேச்சு-கீச்சு என்ற தொடர் சொற்கள் பயன் படுத்துவோம் இல்லையா?

அது போலத்தான் இந்தி பேசுவோர் கானா-வானா,சீனி-வீனி என்ற தொடர்களை உபயோகிக் கிறார்கள்.

அந்த மாதிரிதான் இங்க்லிஷ்-விங்க்லிஷ் ஷும்!

நாம் என்னதான் ஆங்கிலத்தில் தேர்ச்சி பெற்றிருந்தாலும், பெரும்பான்மையானவர், ஆங்கிலத்தில் பேசும்போது,தாய் மொழியில் சிந்தித்துப் பின் அதை ஆங்கிலத்தில் மனத்துக்குள் மொழி பெயர்த்தே பேசுகின்றனர்.எனவேதான் தமிழன் பேசும் ஆங்கிலம் தங்க்லிஷ்ஷாகவும், ஹிந்திக்காரர்கள் பேசும் ஆங்கிலம் ஹிங்லிஷ்ஷாகவும் மாறி விடுகிறது!

என் கேரள நண்பர் ஒருவர் யாரையாவது எதிர்பார்த்தால்”sometimes,he may come today” என்று சொல்வார்,ஹி மே கம் டுடே என்று சொன்னால் போதுமானது; அந்த சம்டைம்ஸ்  ஏன்  வந்தது?மலையாள மொழியில் பேசும்போது,”சிலப்பம் இன்னு காணும்”என்று சொல்கிறார்கள்.  அந்த சிலப்பம் என்பது ஆங்கிலத்தில் sometimes ஆகி விட்டது!

இதுதான் பிரச்சினையே.சிந்திப்பது தாய்மொழியில் எனும்போது,பேசும் ஆங்கிலமும் அந்தப் பாதிப்பிலேயே வெளிவந்து விடுகின்றது.

ஆயினும் இந்த ஆங்கில மோகம் என்பது தமிழனை விட்டபாடில்லை.என் பயணங்களில் நான் பார்த்தவரை,பிறமாநிலத்தவர்கள்  சந்திக்கும்போது அவரவர் தாய் மொழியிலேயே உரையா டுவர்: ஆனால் தமிழர்கள்மட்டும் ஆங்கிலத்தின் துணை நாடுவர்.

எனக்குத் தெரிந்த பெண் ஒருத்தி.அவளைப்பெண்பார்க்க வந்த பையன் அவளுக்குச் சரளமாக ஆங்கிலத்தில் பேசத்தெரியவில்லை எனச் சொல்ல ,அதன் பின் அந்தப் பெண் ஒரு பயிற்சி வகுப்பில் சேர்ந்து ஆங்கிலத்தில் பேச்க கற்றுக் கொண்டாள்----இங்க்லிsh விங்க்லிsh  ஸ்ரீதேவி போல!  

இந்தப்பட்த்தைப் பொறுத்தவரை டைம்ஸ் ஆஃப் இந்தியாவில் படத்தை வெகுவாகப் பாராட்டி விமரிசனம் எழுதியிருக்கிறார்கள்.

என்ன இருந்தாலும் ஆங்கிலம் நமக்கு அந்நிய மொழிதானே!  தாய் மொழியின் சரளத்தை அதில் பெற முடியுமா?!