மனம் திறந்து பேசுகிறேன்!

பிப்ரவரி 2012 இல் இந்த வலைப்பூ மலர்ந்தது.

ஆகஸ்டு மாதம் முடிய எழுதிய பதிவுகள் மொத்தம் 14 தான்.

செப்டம்பர் மாதத்தில் கொஞ்சம் வேகம் பிறந்தது .   

இன்று வரை 100 பதிவுகள் எழுதி விட்டேன்!

சதம் அடித்து விட்டேன்.

ஆனால் அதற்குள் ,இந்தப் பத்து மாதத்தில் ,சதம் அடிப்பதற்குள்,மிகவும் சிரமப்பட்டு விட்டேன் என்பதே உண்மை.

பதிவர்களில் பல விதம்.

தினம் ஒரு பதிவு எழுதியே தீர வேண்டும்;அப்போதுதான்  இடத்தைத் தக்க வைத்துக் கொள்ள முடியும் என்ற வேகத்தில் எழுதுபவர்கள்.

இவர்கள் இலக்கு-பின்னூட்டங்கள்,ஹிட்ஸ்,வாக்குகள்,ரேங்க்!

வேறு சிலர் எதைப் பற்றியும் கவலைப்படாமல் எழுதிக்கொண்டே இருப்பவர்கள். 

இவர்களாலும்  எழுதாமல் இருக்க முடியாது.அது ஒரு போதை!

வேறு ரகத்தவர் ஆத்ம திருப்திக்காக எழுதுபவர்கள்.தங்கள் எண்ணங்களுக்கு வடிகால் தேடி எழுதுபவர்கள்.

வேறு சிலர் அவ்வப்போது ஒரு பொழுது போக்குக்காக எழுதுபவர்கள்.

இப்படி எத்தனையோ விதம்.

இதில் நான் எந்த விதம்—தெரியலையேப்பா!

இன்னொரு விதமான பகுப்பு—

சிலர் கவிதை மட்டுமே எழுதுபவர்கள்.

சிலர் அரசியல் மட்டும் எழுதுபவர்கள்.

சிலர் கதைகள் மட்டும் எழுதுபவர்கள்

சிலர் மொக்கை மட்டுமே போடுபர்கள்.

 எதுவும் தெரியாமல் எல்லாவற்றிலும் குழப்பும்,குழம்பும் ஒரு பதிவன்-குட்டன்

இனியும் தொடர்ந்து  எதையாவது பதிவிட வேண்டும்; குழப்ப வேண்டும்;அறுக்க வேண்டும்.

முடியுமா ?தெரியவில்லை.

முயல்வேன்;முயற்சி திருவினை ஆக்கும்!

ஒரு பதிவு ஒப்பேத்தியாச்சு!